Væri ekki ráð að byrja hér heima?

Sæl öll,

Mér finnst það í raun ekki skipta máli hvaða leið þetta fólk notar til að komast í betri lífskjör. Ætli maður myndi ekki sjálfur gera hvað sem er ef aðstæður væru svona slæmar heima fyrir. Mér hefur hins vegar löngum þótt einkennilegt að Íslendingar sækist eftir að fá flóttamenn til landsins þegar stór hluti þjóðarinnar lepur dauðann úr skel. Ekki styttast raðirnar hjá Mæðrastyrksnefnd: http://mbl.is/frettir/sjonvarp/71646/?cat=innlent

Ég hefði nú haldið að fyrst ættum við að byrja að hjálpa öðrum Íslendingum áður en við færum að taka að okkur fólk frá öðrum löndum sem þarf líka á hjálp að halda. Í flugvélunum er manni sagt að byrja á að setja öndunargrímuna á sjálfan sig áður en maður setur hana á einhvern sem þarfnast hjálpar. Ég held það sama ætti að gilda í þessu tilfelli. Björgum okkur fyrst, svo hinum.

Yfir og út!

Segja flóttamenn misnota okkur

MBL fáið ykkur betri yfirlesara

Maður lendir í hremmingum eða verður fyrir hremmingum sbr. Snara:

"hremmingumLÍFSREYNSLA/UPPLIFUN verða fyrir hremmingumLÍFSREYNSLA/UPPLIFUN

Stóra orðabókin um íslenska málnotkun | Um vefbók

lenda í hremmingum	LÍFSREYNSLA/UPPLIFUN
verða fyrir hremmingum	LÍFSREYNSLA/UPPLIFUN "

Þessi villusöfnun á MBL er að verða leiðigjörn. Þið hljótið að geta gert betur!

Hildur Sif

Metanbílaeigendur í hremmingum

Dorrit stendur sig

Sæl öll,

Ég hafði lengi vel ekki mikið álit á Dorrit. Árið 2010 var mér hins vegar boðið á Bessastaði ásamt hópi skemmtilegra stelpna og þá kynntist ég forsetafrúnni örlítið og viðhorf mitt gjörbreyttist.

Við fórum allar þrjár saman mæðgurnar, amma, ég og mamma. Amma var þá 88 ára gömul og Dorrit tók svo einstaklega vel á móti henni að það er í raun ekki hægt að lýsa því nema með þessari mynd:

Ég átti ekki orð. Forsetafrúin spjallaði við ömmu þónokkra stund og kynnti hana fyrir Ólafi. Hún var svo elskuleg og eðlileg að ég hef verið henni hliðholl æ síðan. Það er langt síðan ég hef séð ömmu svona ánægða og hún rifjaði Bessastaðaferðina upp lengi lengi eftir þetta og brosti allan hringinn.

Ekki þótti mér heldur verra að sjá fjölskylduhundinn koma hlaupandi inn og beint í fangið á Dorrit sem tók honum fagnandi þrátt fyrir að vera klædd í fallegan (ábyggilega designer) kjól:

Ég held við getum ekki annað en verið stolt af forsetafrúnni okkar. Hún kynnir landið út á við, hún tekur vel á móti landsmönnum og er falleg og flott hvert sem hún fer.

Hildur Sif

Forsetafrúin í þætti Mörthu Stewart

Bláeygð gagnvart brosandi manni

Já, hann Huang kemur vel fyrir og ég efa ekki að hann muni vera góður við lítil börn og klappa gæludýrum. Það er hins vegar hans hlutverk, hann á að koma vel fyrir til að slá ryki í augun á okkur bóndadurgunum á Íslandi sem sjáum ekki sekúndu fram í tímann á meðan hann kemst yfir eins mikið land og hann getur.

Hefur enginn velt því fyrir sér hvers vegna hann hefur svona ofsalega mikinn áhuga á landinu okkar og hvers vegna hann vilji svona mikið land? Þeir sem trúa því að hann ætli sér að setja þarna upp hótel þurfa nú aðeins að velta þessu fyrir sér af alvöru.

Kínverjar hafa keypt upp land í Afríku í stórum stíl, lofað atvinnu og sett fram allskyns gylliboð og hvað gerist svo? Þeir flytja inn kínverskt vinnuafl og Afríkubóndinn situr eftir með ekki neitt.

Hvernig getur þetta verið góður díll? Er það vegna þess að gaurinn er svo viðkunnanlegur og þá bara getur hann ekki verið að plata okkur?

Sjáið hvað þessi gaur er vingjarnlegur... mynduð þið selja honum land því hann brosir svo breitt og kemur svo vel fyrir?

Þetta er hann Ted Bundy: http://en.wikipedia.org/wiki/Ted_Bundy

Ekki láta plata ykkur... við Íslendingar erum betri en svo!

Huang segir samkomulag í höfn

"Vera í áfalli??"

Jahá.. merkilegt hvað fólk er orðið illa máli farið í dag.

Síðast þegar ég vissi þá fær maður áfall eða verður fyrir því. Snara virðist vera sammála mér.

og það heldur áfram.. „Það var stolið alveg hellingi af vörum,“.. hvernig væri nú að leiðrétta þetta? "Helling af vörum var stolið". Ég fæ stundum illt í magann þegar ég les fréttirnar hérna á mbl.is, hvar er ritstjórnin?!?!

Mér finnst full ástæða til að mbl.is leiðrétti beinar tilvitnanir þegar um afskaplega ljótar málvillur er að ræða og hálfgerðar enskuslettur (I'm in shock). Þjóðin étur þetta upp eftir fréttamönnunum og brátt verða nýbúarnir farnir að kenna Íslendingum að tala... mér líst ekkert á þessa þróun...

Málfasistinn út!

„Þetta er hræðilegt, ég er í áfalli“

arnastofnun.is

Spurning hvort fréttamenn mbl.is vilji ekki kynna sér þessa sniðugu síðu (www.arnastofnun.is) þar sem m.a. er hægt að athuga fallbeygingu orða. Það væri einstaklega óheppilegt ef þeir héldu áfram að fallbeygja orð eins og hátíð rangt.

http://bin.arnastofnun.is/leit.php?q=h%C3%A1t%C3%AD%C3%B0

Lögreglan stöðvaði 200 ökutæki

Ísbjarnakvóti frá Grænlandi

Grænlendingar eru með kvóta fyrir hversu marga ísbirni má skjóta á ári. Af hverju semjum við ekki við Grænland um að borga þeim fyrir kvóta þegar svona kemur upp á.

Þá skjótum við einum ísbirni fleira og þeir einum ísbirni færra. Væri nú synd og skömm að útrýma þessum greyjum ef þeir fara að koma í stórum stíl hingað til Íslands. Kvóti kemur í veg fyrir slíkt.

Hvítabjörninn felldur

Einkennilegir útreikningar

Tekið úr frétt: Mail segir, að Malcolm Walker, stofnandi og forstjóri Iceland, er sagður líklegasti kaupandinn að 67% hlut Landsbankans í fyrirtækinu. Hann sé talinn meta fyrirtækið allt á 1 milljarð punda og samkvæmt því sé hlutur Landsbankans aðeins um 950 milljóna punda virði.

Hvernig verður 67% af 1 milljarði ígildi 950 milljóna? Samkvæmt minni barnaskólastærðfræði hefði þetta heldur átt að vera 670 milljónir...

Verslanir seldar til borga Icesave?

111. gr laga nr 2/1993

Mér sýnast þetta vera lögin sem vísað er til í greininni:

http://www.althingi.is/dba-bin/unds.pl?txti=/wwwtext/html/lagasofn/139a/1993002.html&leito=EES#word1

111. gr. 1. Bandalagið eða EFTA-ríki getur lagt deilumál er varðar túlkun eða beitingu samnings þessa fyrir sameiginlegu EES-nefndina í samræmi við eftirfarandi ákvæði.

2. Sameiginlegu EES-nefndinni er heimilt að leysa deilumálið. Henni skulu gefnar allar upplýsingar sem hún kann að þarfnast til þess að framkvæma nákvæma rannsókn á málinu, með það fyrir augum að finna lausn sem aðilar geta sætt sig við. Í þessum tilgangi skal sameiginlega EES-nefndin rannsaka alla möguleika til að viðhalda góðri framkvæmd samningsins.

3. Varði deilumál túlkun ákvæða samnings þessa, sem eru efnislega samhljóða samsvarandi reglum stofnsáttmála Efnahagsbandalags Evrópu og stofnsáttmála Kola- og stálbandalagsins og gerðum sem samþykktar hafa verið vegna beitingar þessara tveggja sáttmála, og hafi deilumálið ekki verið leyst innan þriggja mánaða frá því að það var lagt fyrir sameiginlegu EES-nefndina, geta samningsaðilar, sem eiga aðild að deilumálinu, samþykkt að fara fram á það við dómstól Evrópubandalaganna að hann kveði upp úrskurð um túlkun á viðkomandi reglum. Hafi sameiginlega EES-nefndin ekki náð samkomulagi um lausn á slíku deilumáli innan sex mánaða frá þeim degi er þessi málsmeðferð hófst, eða hafi samningsaðilar, sem eiga aðild að deilumálinu, á þeim tíma ekki ákveðið að fara fram á úrskurð dómstóls Evrópubandalaganna, getur samningsaðili, til að draga úr hugsanlegu ójafnvægi, — annaðhvort gripið til öryggisráðstafana í samræmi við 2. mgr. 112. gr. og fylgt þá málsmeðferð 113. gr.; — eða beitt 102. gr. að breyttu breytanda.

4. Varði deilumál umfang eða gildistíma öryggisráðstafana, sem gripið er til í samræmi við 3. mgr. 111. gr. eða 112. gr., eða jafngildi jöfnunarráðstafana, sem gerðar eru í samræmi við 114. gr., og hafi sameiginlegu EES-nefndinni ekki tekist að leysa deiluna þremur mánuðum eftir þann dag er málið var lagt fyrir hana getur hver samningsaðila sem er vísað deilumálinu til gerðardóms samkvæmt málsmeðferð sem mælt er fyrir um í bókun 33. Óheimilt er að fjalla um túlkun á ákvæðum samnings þessa, sem um getur í 3. mgr., samkvæmt þessari málsmeðferð. Gerðin er bindandi fyrir deiluaðila.

Ráðgáta að Ísland skyldi ekki vísa í 111. grein

"af" eða "að"

Sæl,

Ég veit ekki hver les yfir á mbl.is eða hvort nokkur maður nenni því lengur en síðast þegar ég vissi þá var það:

Ólétt af -> í stað Ólétt að eins og stendur í fréttinni

og

Gaman af -> í stað Gaman að eins og stendur í fréttinni

Hildz

P.S. Þeir leiðréttu aldurinn á Tyru síðast eftir að ég bloggaði um fréttina. Verður gaman að sjá hvað þeir gera núna :-)

 

Með fiðring í fingrunum